قصة وعبرة

زمااان٠٠٠وأنا في أبتدائي

زمااان٠٠٠وأنا في أبتدائي

بقلم/عزه الجراح

مستحيل تحسى بقيمة النعمة اللى معاك طول مانت مش حساس قميتها لكن لم هتخسرها ساعتها هتعرف قمتها

أمى كانت لازم تخلينى أفطر كويس اوى قبل ما أنزل م البيت .. وده كان مشكلة كبيرة ليا أتعلمت بسببها أعظم درس فى حياتى ..

– ساعة الفُسحة ..
كنت ألاقى زميلتى اللى جنبى تطلع ساندوتشاتها وبتاكلها وهى مستمتعة بيها جداً جداً ..
وأنا أطلع ساندوتشاتى ألاقيها باردة ومالهاش طعم وماتفتحش النِفس ..
أقوم شايلها زى ماهى فى الشنطة وأقعد مضايقة .. وفضلت ع الحال ده كتيرررر ..
– لغاية ما فى يوم جات مُدرسة مستحيل أقدر أنساها ..
كانت بتتكلم مع كل واحد فينا كأننا كبار .. ودايماً مبتسمة، وبتعاملنا زى ما تكون أم لكل طفل ف الفصل ..
المهم فى يوم كنت قاعد ةفى الفسحة مضايقة وشافتنى المُدرسة دى ..
جات وقالتلى مالك قاعدة لوحدك ليه ؟؟ انت مامعكش ساندوتشات تاكلها زى زميلتك اللى جنبك؟؟
قولتلها معايا بس أنا ساندوتشاتى مش حلوة زى ساندوتشاتها ..
قامت المدرسه قالتلى يعنى انت نِفسك تبدل مع زميلتك ..
بصيت لها بكل سعاده وانا بقولها .. “ياريت” ..
قالتلى ماشى ..
راحت المدرسه وأقنعت زميلتى إنها تبدل معايا ساندوتشاتها ..
بالفعل زميلتى وافقت ..
لكن ساعتها حصلت حاجة غريبة جداً ..
لما جيت اكلت ساندوتشات زميلتى ، لاقيتها عادية بردو ومالهاش طعم مش زى ما كنت فاكرة ..
المُدرسة لما لاقيتنى سيبت السندوتشات تانى ..
– قالتلى ..
انا حبيت أثبتلك إن العيب مش فى الساندوتش اللى معاك .. العيب جواك انتى .. أيوة جواك انتى ..

– طول مانت شبعانة .. مستحيل تحس بنعمة الساندوتش اللى معاك ..وتلاقى مُتعة لما تاكله ..
زميلتك عشان بيتاكل وهى جعانة فعلاً .. بيتلاقى الأكل حلو جداً .. وأنت بتلاحظ إنها مستمتعة اوى بأكله ..

عزيزتى..
مستحيل تحس بقيمة النعمة اللى معاك طول ماإنت مش حاسس بقيمتها .. هاتفضل طول حياتك عايش فى تعاسة .. وفاكر إن كل الناس معاهم حاجات أحسن منك .. وأنت الوحيد المظلوم .. وتعيش فى عتاب شديد مع ربنا وفاكر إنه ظالمك ..

صدقنى ..
لو بدلت حياتك مع حد ..ساعتها هاتحسده على النعم اللى كنت فيها ..
بنعرف بقيمة النعمة اللى معانا .. لما نتحرم منها ..
انت ..غنى.. باللى معاك ..

ضع أعلانك هنا 01061087033

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
مدير موقع الجريدة الألكتروني المهندس أحمد إيهاب الشيخ
Designed and Developed By Support-Stores
إغلاق
إغلاق