المقالات

ابحار في النفس البشرية

دعاء موسى
علم النفس او دراسة النفس البشرية علم شيق جدا وممتع بنتعلم من خلاله قراءة البشر و استنتاج المبررات للتصرافات البشرية وبنعرف أنماط الشخصيات المختلفة. وطريقة تفكير الناس وبتقدر نستنتج ومتوقع ردود الأفعال المختلفة. طب هل انا لازم ابقى دارس علم نفس علشان اقدر اتعلم الحاجات دي؟ لا مش لازم لكن ممكن تقرأ في علم النفس وتستفيد جدا وهتحس بمتعة في قرأة كتب علم النفس وهتبقى مبسوط في تعاملك َع الناس لأنك فاهم شخصياتهم ومتوقع ردود أفعالهم في المواقف المختلفة وبتعرف تتعامل مع كل واحد بالطريقة المناسبة ليه هتلاقي نفسك بمرتاح من التفكير في ليه الشخص دة اتصرف كدة وليه معملش كدة لأنك هتبقى عارف دماغه بتفكر ازاي علم النفس له فروع كتير ومواضيع كتير ممكن نقرأ فيها النهاردة هارشحلكم مجموعة كتب للمبتدئين في علم النفس :
*مبادئ التحليل النفسي محمد فؤاد جلال ١٨٠ صفحة
*اقدم لك التحليل النفسي سيجموند فرويد ٢٠٠ صفحة
*اقدم لك يونج من سلسلة اقدم نفسي “دة تكملة لكتاب فرويد السابق” ١٨٠ صفحة.
*علم النفس الشرعي ديفيد كانتر ١٣٦ صفحة.
*المرأة والصراع النفسي نوال السعداوي ٢٧٠ صفحة
*الإنسان وعلم النفس عبد الستار ابراهيم ٢٩٦ صفحة.
*اهم ٥٠ كتاب في علم النفس ايمون باتلر.
الكتب دي لو قرينها بالترتيب دة هنستفيد جدا وهنحب علم النفس كدة في بعد كدة سلسة من ٧ كتب للكاتب ليندا دافي دوف السلسة دي بترض ٧ مواضيع مهمة لعلم النفس بطريقة بسيطة وسهلة بس مينفعش نقرأها قبل المجموعة الأولى لأنها في جزء بسيط جدا معروض بشكل عميق او علمي شوية والكتب بردو صغيرة اقل من ٢٠٠ صفحة فيهم كتاب واحد تقريبا هو اللي وصل ل ٢٠٠ صفحة اسماء كتب السلسة بالترتيب:
*مدخل إلى علم النفس
*السلوك الاجتماعي
*الذكاء
*التعلم وعمليات الاساسية
*الذاكرة
*الشخصية
*السلوك الشاذ
اتمنى لكم قراء ممتعة وابحار شيق في النفس البشرية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى