شعر وادب

حب لا يعرف المستحيل

حب لا يعرف المستحيل….

سحر ابوالعلا

الجزء الأخير

مريم وصلت لصديق مينا وسألته علي مينا عرفت منه إن مينا تعبان اوي وفي المستشفي.

مريم رجعت البيت حكت لمامتها اللي حصل وطلبت من مامتها انها تأذن لها تزور مينا

مامتها رفضت في الأول لكن ادام الحاح مريم وافقت.

تاني يوم مريم خلصت شغلها وراحت المستشفي مينا اتفاجأ بزيارة مريم لكن كان مبسوط جدا بيها.

مريم اتفاجأت وانصدمت لما مينا عنده كانسر وده خلاها تقرب منه اكتر بدل ما تبعد.

مرض مينا قربهم من بعض وخصوصا لان مريم كانت بتزوره دايما.

الحكاية بقت تتعقد اكتر لكن في خلال الفترة دي كانت مريم بتقعد كتير تتكلم مع مينا عن المرض وان ده اختبار من ربنا وكلام مريم بدأ يحبب مينا في كلامها عن الإسلام وربنا.

الدكتور طلب من مينا انه لازم يسافر علشان يعمل عملية برة مصر.

مينا كان وحيد امه وابوه وهما ماتوا في حادثة وهو عمره 10 سنين وكان عايش مع جدته يعني تقريبا ملهوش غير جدته وصديقه.

مينا قال لمريم انا مش هسافر.

مريم ازاي يا مينا انت بتقول ايه لازم تسافر وتتعالج.

مينا. لو لازم اسافر مش هسافر لوحدي.

مريم انت ممكن تاخد عماد معاك لان طبعا جدتك مش هتقدر علشان سنها.

مينا. لا مش ده اللي اقصده.

مريم. اومال تقصد ايه

مينا انتي اللي هتسافري معايا.

مريم ههههه وده ازاي يعني.

مينا. لما اقابل بباك هتعرفي.

مريم انت بتقول ايه وتقابل بابا ازاي.

بعد يومين مريم في البيت الباب بيخبط فتحت اتفجإت ان مينا هو اللي عالباب.

هو اتصل بوالدها وهو كان مستنيه.

مينا قعد مع والد مريم حكى له كل الحكاية من يوم ما عرف مريم لحد امبارح لما سابها.

والد مريم. وانت عاوز ايه يابني دلوقتى.

مينا. انا عاوز اتجوز مريم ياعمي بعد اذنك وتسافر معايا.

والد مريم. انت عارف يابني انه مينفعش.

مينا عارف ياعمي لكن الحقيقة هي اللي انا جاي عشانه النهاردة.

والد مريم. انا مش فاهم حاجه يابني.

مينا. انا عاوز اروح انا وحضرتك ومريم بعد اذنك يعني دار الإفتاء المصرية

والد مريم. انا مش فاهم حاجه.

مينا بعد اذنك ياعمي انا هعلن اسلامي ونتجوز انا ومريم في نفس اليوم لو حضرتك وافقت طبعا ولو رفضتني انا برضو عند موقفي من اسلامي وهسافر وانت مسلم.

والد مريم قام وحضن مينا اللي بعد كده بقى اسمه محمد عبد الرحمن.

واتجوزوا هو ومريم وسافروا ومحمد عمل العملية ونجحت وكمل علاجه وهما مع بعض بيقضوا شهر العسل ورجعوا مصر بعد سنة وهما 3 أشخاص بدل 2 كان معاهم عبد الرحمن الصغير. ودي كانت النهاية.

حب لا يعرف المستحيل.

 

#السلطانة

ضع أعلانك هنا 01061087033

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
مدير موقع الجريدة الألكتروني المهندس أحمد إيهاب الشيخ
Designed and Developed By Support-Stores
إغلاق
إغلاق