بالمقلوب.. بقلم سحر ابوالعلا

غلطان عايش دور الزعلان
و كمان مقموص عايش فى الدور
بيلف يدور عامل مقهور
باين على وشه ..نفاقه و غشه
كداب و بيحلف و يقول مظلوم
و المشكلة انه عايش فى الدور
و الناس عارفينه لكن ساندينه
علشان فى بينهم مصالح بالكوم
مش فارق ظالم من مظلوم
عالم منافقة و كدابة
فاكرنها طيابة … و هي خيابة
البعد عنهم …. و الله غنيمة
و القعدة بينهم … قلة قيمة
ما فى ع لسانهم … غير سيرة الناس
وخدينها أساس…
عايشين بيصوموا و بيصلوا
و بيخوضوا فى أعراض الناس
على أي أساس.
بيحدفوا فى بيوت الناس
و بيوتهم اصلا من ازاز.