بعد التحية و السلام
اسمع منى دا الكلام
اتعلم م السنين اللى فاتت
عدت علينا كانت كبيسة
عشنا فيها امور عويصة
حاجات وحشة و حاجات لذبذة
وسنين داست ع الاحلام
وقفتنا فى المكان
تحت يافطة بلا عنوان
صعب تلاقيه فى دا الزمان
نتمنى منك ايها العام
تكون أرض بدون ألغام
ماتعملش فيها بابا نويل
وتحضر فى مفاجاءات
بلاها دى الحركات
نفسنا فى شئ جميل
نهار لليل طويل
عايزين حلول
مش مسكنات
حتى لو فيه حلم مات
انقل لغيره من سكات
ح أفضل احلم بكتير سنين
زى اللى مروا
لما كنا صغيرين
خلاص زهقنا مش عايزين
هموم و لا مهمومين
ربنا يجعلها سنة حلوة
قولوا آمين
راندة محمود
