المرأة والطفل

الستات عايزه إيه؟

الستات عايزه إيه؟ 

كتبت /دعاءموسي

من خلال متابعتي لمواقع التواصل الاجتماعي اللي بقى عبارة عن صفحات نسائية وصفحات رجالية وكأنه ساحة حرب بين الطرفين كل طرف فيهم بيوجه اللوم للطرف الاخر وبيتهم بالتقصير.
لكن بدون تحيز الفطرة اللي ربنا خلقنا عليها هي قوامة الرجال اللي بقت مفهومة غلط بمعنى ان الرجل فاهم القوام دي على أنها أفضلية بينما هي مسؤلية.
تلاقي الرجالة شغالين بقى انتقاض في الستات واللي يقول انا حاسس اني متجوز واحد صحبي واللي يحط صورة ممثلة ولا مطربة و يقول اهي دي الستات واللي يقول مراتي مبقتش مهتمة بيا و في نفس الوقت تلاقي الستات نازلة شكاوي وعياط واكتئاب جوزي بيعرف بنات جوزي بيخوني جوزي بيستخسر فيا ويصرف على نفسه جوزي بيخرج مع صحابه وسيبني محتاسة بالعيال.
عارفين ايه السبب السبب ان الست الجدعة اللي بتقف في ظهر جوزها وتشيل جزء من مسؤليات في بداية الحياة بيبقى فرض عليها انها تشيل المسؤلية كلها ميبقاش فضل وكرم منها لا دة بيبقى واجب عليها السبب اننا شوفنا في بيوت اهالينا ان الام بتشيل جوة البيت والأب برة فافتكرنا ان كل الناس كدة لكن زي ما البنات شايفين دة الولاد برضو شايفينه بس بطريقة مختلفة شايفين ان الام شايلة كل حاجة وان دة الطبيعي للست انها تعمله ومحدش بيحاول يصحح النظرة دي لأولاده تلاقي الاين الولد مبيشلش كوباية المياه اللي شرب فيها واخته هي اللي بتخدمه طب ليه علشان هو راجل طب ما هي بتذاكر زيك وتروح مدرسة زيك وتروح جامعة زيك وتشتغل زيك يبقى ليههي اللي تخدمك كدة علشان الرجال قوامون على النساء..
تخيلوا معايا ان دة مفهوم القوام عند أجيال واجيال يا شباب الرسرل عليه الصلاة والسلام كان بيساعد زوجاته في شغل البيت كان بيتكلم معاهم ويفسحهم كان بيحسسخم انهم اهم حد في الدنيا القوام للرجال اقترنت بالانفاق ربنا قال بسم الله الرحمن الرحيم (الرجال قومون على النساء بما انفقوا ) صدق الله العظيم يعني اصرف على مراتك كويس ووفرلها كل سبل الراحة وتعالى حاسبها هتبقى واخد صاحبك ولا هتبقى مارلين مونرو متبقاش سايبنها متبهدلة بين شغلها وشغل البيت ومذاكرة العيال وتمرين العيال والواد تعبان تروح بيه للدكتور والبنت عندها درس تجري توديها وتجيبها و ملهاش مصروف شخصي تجيب لنفسها منه ولو حتى توكة وبعدين تقول مسترجلة وانتن يا بنات يا ستات متتنازليش عن حقوقكم متتنازليش عن زوجك يشارك في المسؤلية متقوليش انا باشتغل احط مرتبي في البيت والدنيا تمشي شاركي بجزء منه وخصصي لنفسك جزء مارسي ام متك في حدود امكانياتك الصحية والعصبية والنفسية عيشي انوثتك عل؛ ان مترجعوش تقولوا جوزي بيبص برة الإلتزام بالواجبات وألتمس بالحقوق هو اللي بيخلينا نعيش مرتاحين الحياة تعاون وربنا ساوى بين الرجال والنساء في كل حاجة العبادات والثواب والعقاب القوام فقط في الإنفاق فإذا لم ينفق الزوج سقطت القوامة ويا ريت كل أم تربى ولادها صح تعلمهم ان الست مش دورها خدمة الرجل و السعاده فقط علموا ولادكم وبناتكم ايه هي حقوقهم و واجباتهم علمهم ان اللي بيعمل اللي عليه بياخد حقه علمهم ان لا يكلف الله نفسا إلا وسعها.
وهنا نقول ان الستات عايزة تبقى ستات عايزة تتعامل بما يرضي الله علشان يبقوا ستات بجد.

ضع أعلانك هنا 01061087033






مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
مدير موقع الجريدة الألكتروني المهندس أحمد إيهاب الشيخ
Designed and Developed By Support-Stores
إغلاق
إغلاق