المرأة والطفل

الستات عايزة ايه ٢

الستات عايزة ايه ٢
دعاء موسى

الستات عايزة ايه؟
السؤال الذي حير الكثيرين بينما كنت اجلس مع بعض صديقاتي سالتهن هذا السؤال ولم اتفاجئ ابدا من اجاباتهن والتي اجمعت تقريبا على..! عايزة الاقي نفسي.
*تلاقي نفسك القديمة ولا عايزة تبقى حاجة جديدة؟
بعضهن قلن القديمة مع بعض التغير عايزة اضحك من قلبي عايزة اما احتاج حاجة اجيبها علطول منغير ما افكر البيت والولاد محتاجين ايه اهم من احتياجي عايزة انام من غير ما افكر في بكرة عايزة اصحى من النوم الاقي البيت مترتب والحوض فاضي وسبت الغسيل فاضي والهدوم مترتبة والولاد مذاكرين وهاديين عايزة اصحى لوحدي منغير ما حد يصحيني وفي نفس الوقت عايزة حياتي دلوقتي وسط ولادي.
و بعضهن قلن لا عايزة ابقى حد تاني شخص جديد عايزة اشتغل واحقق ذاتي عايزة يبقلي جزء صغير من الوقت خاص بيا لوحدي عايزة يبقلي دخل مستقل خاص بيا عايزة أحقق حلمي و يبقى لي كارير واستقبال مادي عايزة حد يفهمني يساعدني ويدعمني اني أحقق ذاتي.
* وايه اللي بيمنعك انك تلاقي نفسك؟
وكان الإجماع على امتى هو انا لاقية وقت احلم حتى.
واحدة قالت انا بأحب السفر نفسي اسافر واكتشف العالم واكمل دراستي ماجستير ودكتوراة ولو معايا فلوس اكتر الف العالم واتعرف على الثقافات المختلفة وختمت كلامها بأن السؤال عيشها حلم جميل.
تعالوا نفكر مع بعض ازاي نلاقي نفسنا.. في اعتقادي الشخصي اننا لازم نغير ثقافتنا حول دور الست في الحياة بصفة عامة يعني مثلا نخلي ولادنا يشاركونا في شغل البيت سواء ولاد او بنات كدة وقت ت تيب البيت هيقل نحدد وقت للمذاكرة ووقت للعب ونلتزم قبل ولادنا بالنظام نخلي يوم في الاسبوع ناكل فيه اي حاجة مش لازم يبقى في طبيخ ومصروف اليوم نشتري بيه كتاب كل أسبوع أو كل؛ هر حد يختار الكتاب نعمل ساعة في الأسبوع نسافر فيها أي بلد مع ولادنا عبر الانترنت وكل اسبوع حديختار البلد اللي نفسه يزورها اهم حاجة اننا نعمل كل حاجة برضا وقناعة اننا هنلاقي نفسنا و أهم خطوة تتفقي مع ولادك ان ليكي ولو ربع ساعة يوميا قاعدة لوحدك في هدوء وتمسكي بوقتك الخاص اكتبي ارسمي لوني اعملي اي حاجة بتحبها في حدود المتاح دوري على نفسك بطريقة مختلفة.

ضع أعلانك هنا 01061087033

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
مدير موقع الجريدة الألكتروني المهندس أحمد إيهاب الشيخ
Designed and Developed By Support-Stores
إغلاق
إغلاق